Lese og svare på post

Du kan sende brev til privatpersonar, offentlege verksemder og bedrifter med konto i Digipost, så sant mottakaren ønskjer å motta digital post. Du kan òg velje fleire mottakarar per brev og opprette kontaktlister som kan brukast om igjen neste gong du skal sende brev til dei same mottakarane.

Dei fleste filtypar kan sendast digitalt. Brev som skal leverast som papirpost, må vere i PDF-format for korrekt utskrift. Sjå teknisk informasjon for meir detaljar.

For å sende digitale brev i Digipost må du logge inn frå ein datamaskin. Det er ikkje mogleg å sende brev frå nettbrett, mobil eller Digipost-appane.

Slik sender du brev:

1. Klikk på Ny melding i venstremenyen.
2. Bruk Til-feltet for å søkje etter digitale mottakarar ved hjelp av namn, adresse, poststad eller Digipost-adresse. Om du vil sende brevet på papir, vel du Legg til postadresse.
3. Skriv inn ønskt tittel på brevet i Emne-feltet. Brev som vert levert i Digipost, blir varsla og viste med emnefeltet du vel. Brev som blir sende som papirpost, får ikkje påført emnefelt.
4. Vel om du vil skrive brevet direkte i Digipost, laste opp klargjorde filer, eller bruke ein kombinasjon av klargjorde filer og tekst du skriv inn.
5. Du kan maksimalt sende 30 MB per brev, fordelt på inntil 200 filer. For å legge til filer kan du dra og sleppe dei inn i Digipost, eller bruke knappen Vel filer. Den første fila du lastar opp, blir hovuddokumentet i brevet, med dei andre filene som vedlegg. Om du har forfatta innhald i Digipost, vert teksten brukt som hovuddokument, og eventuelle filer som vedlegg.

Dersom du ikkje finn dei du ønskjer å sende til, kan det vere at dei ikkje ønskjer å vere tilgjengelege for offentleg oppslag. Det kan òg hende dei enno ikkje er registrerte i Digipost, eller har deaktivert postmottaket sitt for berre å sende utgåande post digitalt.

Postsendelsar blir fakturerte i Digipost.

Du kan reservere verksemda mot adressesøk under Mottak av post, som du finn i innstillingane når du er innlogga i Digipost.

Som avsendar er du ansvarleg for at meldingane du sender, er lesbare for mottakar, uavhengig av alder, funksjonsevne og utdanningsnivå. For at meldingane skal vere tilgjengelege for brukarane, er det viktig å bruke riktige stilar, overskrifter, kontrastar og bilete.
Les om universell utforming av dokumenter på Digdirs nettsted.

Verksemda vert varsla på e-post eller SMS når det kjem ny post. Dersom verksemda ikkje mottek varsel, kan du gå til Varsling og kontaktinfo under innstillingane. Du finn denne funksjonen ved å trykkje på tannhjulikonet og verksemda sitt namn. Huk av for ønska val under Varsling om nye brev, og legg inn e-postadressene du ønskjer at varsla skal sendast til, i feltet Kontaktinformasjon.

Når du sender brev i Digipost, kan verksemdslogoen din visast i mottakaren sin digitale postkasse. For å laste opp logoen til verksemda, går du til Logo på digitale brev under innstillingane. Du finn dette ved å trykkje på tannhjulikonet og verksemda sitt namn.

Krav til logo:

• Filtype: PNG med gjennomsiktig bakgrunn
• Maks storleik: 512 kB
• Minimum oppløysing: 50 pikslar i breidde og høgde
• Vel så stor logo som mogleg for best kvalitet på ulike einingar og nettlesarar.

Digipost må godkjenne logoen før den vert synleg på breva som vert sende.

I utgangspunktet kan alle Digipost-brukarar sende digital post til verksemda di, men du kan stenge for mottak av post under verksemda sine kontoinnstillingar.

Dersom du berre ønskjer å motta post frå bestemte avsendarar, kan du slå av synlegheita i Digipost sitt mottakarsøk. Då kan du sjølv gi Digipost-adressa til verksemda di til dei avsendarane du ønskjer å motta post frå.

Dersom verksemda di ønskjer å vere tilgjengeleg for søk, kan andre som ønskjer å sende post, søkje opp verksemda ved hjelp av namnet eller organisasjonsnummeret. Slik kan dei sende deg post utan å kjenne til Digipost-adressa di.

Digipost er knytt til Posten sitt adresseregister. Når du sender brev frå nettsidene, kan du søkje opp privatpersonar direkte ved hjelp av namn og adresse. Dersom verksemda di har løyve til å bruke fødselsnummer, kan du òg søkje opp mottakarar med dette. Bruk av fødselsnummer som adresse krev av tryggleikshensyn at du nyttar Digipost via eit programvareprodukt eller gjer ei direkte integrering med Digipost sine API-er.

Private og offentlege verksemder kan søkjast opp på anten verksemdsnamn eller organisasjonsnummer. I tillegg kan ein bruke Digipost-adresser når ein sender post til alle typar mottakarar i tenesta.

Send informasjonen via melding i Digipost til Digipost kundeservice, eller send i posten til:

Posten og Bring Kundeservice
Stølsmyr 10
5542 Karmsund

Om du sender brev frå nettsidene, må mottakarane vere registrerte i Digipost for at du skal kunne søkje dei opp. Du kan òg legge til postadresser via Posten sitt adressesøk og manuelt legge til mottakarar av papirpost.

Verksemder som har integrert seg med Digipost sine API-ar eller brukar Digipost via eit programvareprodukt, kan bruke print-tenesta. Denne gjer at mottakarar som ikkje har registrert seg i Digipost, vil få breva levert på papir.

Digipost er ikkje ei attraktiv kanal for utsending av søppelpost, sidan det kostar pengar å sende brev, i motsetnad til e-post der ein kan sende masseutsendingar gratis. Verksemder som sender post gjennom Digipost, er pålagde å følgje marknadsføringslova. Misbruk kan lett handterast, sidan alle som opnar konto i det digitale postsystemet, har stadfesta identiteten sin.

Du finn nye brev i Postkassen, og arkiverte brev i mappene til verksemda. Når du finn brevet du vil lese, klikkar du på det for å opne det. Dersom brevet inneheld filtypar som støttast av Digipost, kan du lese det direkte i Digipost. Andre filtypar må lastast ned og opnast med eigne program på datamaskina

For tidlege brukarar av Digipost heiter dei ferdig oppretta mappene Arbeid og Arkivet, medan nyare brukarar berre har mappa Arkivet ved registrering. Mappa Arbeid er meint som ei mellombels lagringsplass for post som krev behandling før arkivering.

• For å flytte eit brev kan du anten dra det til den mappa du ønskjer, eller opne brevet og velje mappa frå verktøylinja til høgre på skjermen.
• For å laste opp filer til ei mappe, kan du dra filene dit eller velje Last opp.
• Du kan søkje etter avsendar, tidsrom eller tittel på brev og dokument. Vi tilrår å bruke Postkassen til nye brev og sortere post du har lest og opplastede filer i mappene.

Du kan laste opp dei fleste filtypar, og standardformat for bilete, tekstfiler og PDF-dokument kan lesast direkte i Digipost.

Den digitale postkassa er knytt til organisasjonsnummeret til verksemda di. Når du opnar ein bedriftskonto i Digipost, vert det òg oppretta ei unik Digipost-adresse for kontoen, som kan brukast som mottaksadresse.

Dersom du vel å vere tilgjengeleg for søk, kan personar og verksemder søkje opp verksemda di ved hjelp av namnet på verksemda eller organisasjonsnummeret. Slik kan dei enkelt sende deg post utan å kjenne Digipost-adressa di.

Du kan sende brev i Digipost ved å logge inn i postkassa til verksemda og velje NYTT BREV i venstremenyen.

Det er òg mogleg å sende brev automatisert, anten ved å bruke ein av våre våre partnere eller integrere mot Digipost API. 

Privatpersonar kan betale fakturaer direkte i Digipost med dei fleste norske bankar. For at mottakarane av fakturaene skal kunne bruke denne tenesta, må du leggje ved følgjande detaljer om fakturaen:

• Kontonummer
• KID-nummer
• Beløp
• Forfallsdato

Så lenge desse detaljane er inkluderte, sørgjer Digipost for resten av funksjonaliteten.

Breva med fakturadetaljar kan berre sendast av avsendarar som har integrert seg med Digipost sine API-ar eller som brukar Digipost via eit programvareprodukt. Det er ikkje mogleg å sende fakturaer tilpassa betalingstenesta frå innlogga sider på digipost.no.

Betalingsdetaljar er ikkje synlege i Digipost. Informasjonen Digipost har tilgang til, er den som er oppgitt i fakturaen. Andre fakturadetaljar, som kontodekning eller gjennomført betaling, er ikkje tilgjengelege i Digipost.

Verksemda di vil framleis kunne motta post i den vanlege postkassen. Når ei digital postkasse vert oppretta i Digipost, vert det samtidig gitt løyve til at alle avsendarar kan sende deg digital post i staden for brev i den vanlege postkassen. På same måte gir privatpersonar som opprettar ein konto, verksemdene samtykke til å motta brev digitalt.

Det er likevel opp til den som sender posten, å velje korleis dei ønskjer å nå deg. Ved å registrere deg i Digipost gir du tydeleg beskjed om kva kommunikasjonsform du føretrekker.

Sending og mottak er to separate tenester, så du kan velje å bruke Digipost for utsendingar av digital post, samtidig som du framleis kan motta posten til verksemda fysisk som papirpost.